Aled Davies yn ymuno â'r Gweilch
- Cyhoeddwyd
Mae Davies wedi arwyddo cytundeb dwy flynedd
Bydd Aled Davies yn gadael y Scarlets ac yn ymuno a'r Gweilch y tymor nesa.
Y mewnwr 25 oed yw'r ail i groesi'r Afon Llwchwr yn ddiweddar, gyda'r canolwr Scott Williams yn cyhoeddi'r wythnos diwethaf y byddai'n chwarae ei rygbi yn Stadiwm Liberty y tymor nesaf.
Mae Davies, sy wedi bod gyda'r Scarlets ers naw mlynedd, wedi arwyddo cytundeb dwy flynedd.
"Mae e wedi bod yn benderfyniad anodd iawn i adael clwb fy ieuenctid lle rwyf wedi cael naw mlynedd gwych," meddai.
"Rwy'n credu y bydd dull y Gweilch yn gweddu i'm steil i o chwarae a dwi'n edrych ymlaen yn fawr i sefydlu partneriaeth dda gyda Sam Davies."