Un newid i dîm rygbi merched Cymru i herio Iwerddon
- Cyhoeddwyd
Fe wnaeth Lisa Neumann ennill ei chap cyntaf yn erbyn Yr Alban
Mae'r hyfforddwr Rowland Phillips wedi gwneud un newid i dîm rygbi merched Cymru ar gyfer y gêm yn erbyn Iwerddon ddydd Sul.
Bydd y cefnwr Lisa Neumann yn dechrau ei gêm ryngwladol gyntaf, ac mae'n bosib y bydd y prop Cara Hope yn ennill ei chap cyntaf oddi ar y fainc.
Fe wnaeth Cymru drechu'r Alban o 18-17 yn eu gêm gyntaf yn y Chwe Gwlad eleni, cyn cael cweir o 52-0 gan y deiliaid, Lloegr.
Maen nhw'n bedwerydd yn y tabl ar hyn o bryd, ond ar yr un faint o bwyntiau ag Iwerddon.
Tîm Cymru
Lisa Neumann; Hannah Bluck, Kerin Lake, Rebecca De Filippo, Jess Kavanagh-Williams; Elinor Snowsill, Rhiannon Parker; Caryl Thomas, Carys Phillips (c), Amy Evans, Siwan Lillicrap, Mel Clay, Alisha Butchers, Beth Lewis, Sioned Harries.
Eilyddion: Kelsey Jones, Cara Hope, Meg York, Natalia John, Nia Elen Davies, Jade Knight, Robyn Wilkins, Hannah Jones.