Pro14: Gweilch 27-26 Cheetahs

Fe wnaeth cais yr eilydd Ifan Phillips a throsiad y maswr Sam Davies selio buddugoliaeth o un pwynt i'r Gweilch dros y Cheetahs nos Sadwrn.

Y tîm o Dde Affrica oedd ar y blaen trwy gydol y gêm, gyda cheisiau gan Torsten van Jaarsveld, Reniel Hugo, Nico Lee a Craig Barry.

Ond fe wnaeth y Gweilch daro 'nôl gyda cheisiau gan Ashley Beck a Sam Cross.

Roedd y Gweilch ar ei hôl hi nes munud ola'r gêm pan lwyddodd Phillips i groesi, ac fe wnaeth Davies sicrhau'r fuddugoliaeth gyda chyffyrddiad ola'r gêm.