Dyn wedi marw yn dilyn gwrthdrawiad 'difrifol' ar yr A470

Mae Heddlu'r Gogledd yn dweud fod dyn wedi marw yn dilyn gwrthdrawiad "difrifol" ar yr A470 yn y gogledd.

Digwyddodd y gwrthdrawiad rhwng car a beic modur am 13:58 ddydd Llun rhwng Blaenau Ffestiniog a Betws-y-Coed.

Mae'r ffordd wedi'i chau i'r ddau gyfeiriad, ac mae'r heddlu wedi gofyn i deithwyr gadw draw o'r ffordd honno am gyfnod.

Cafodd y gwasanaeth ambiwlans, hofrennydd a cherbyd ymateb brys eu galw i'r digwyddiad, ac mae'r heddlu wedi apelio ar unrhyw dystion i gysylltu â nhw.