Cyhoeddi gemau Abertawe a Chasnewydd y tymor nesaf

Bydd clybiau pêl-droed Abertawe a Chasnewydd yn dechrau'r tymor nesaf gyda gemau oddi cartref.

Mae gêm gyntaf yr Elyrch yn ôl yn y Bencampwriaeth oddi cartref yn erbyn Sheffield United ar 4 Awst.

Fe fydd eu gêm gyntaf yn Stadiwm Liberty y penwythnos canlynol pan fyddan nhw'n croesawu Preston North End.

Gan fod tri o'r pum gêm agoriadol yn Stadiwm Liberty bydd rheolwr newydd y clwb, Graham Potter, yn gobeithio am ddechreuad cadarnhaol i'w gyfnod yn ne Cymru.

Bydd Abertawe yn cloi'r tymor gyda thaith i Blackburn Rovers, sydd newydd gael eu dyrchafu i'r gynghrair.

Taith oddi cartref i Mansfield sydd yn disgwyl Casnewydd ar benwythnos agoriadol Adran Dau.

Bydd tîm Michael Flynn yn gobeithio adeiladu ar dymor y llynedd wnaeth gynnwys rhediad annisgwyl yng Nghwpan FA Lloegr.

Crewe Alexandra fydd y tîm cyntaf i ymweld â Rodney Parade, a hynny ar 11 Awst.

Bydd eu tymor yn dod i ben ar 4 Mai wrth i Gasnewydd deithio i Morcambe.

Gemau Abertawe (gemau cartref yn dywyllach):

• Sheffield United (4 Awst)

• Preston North End (11 Awst)

• Birmingham City (18 Awst)

• Leeds United (22 Awst)

• Bristol City (25 Awst)

Cliciwch yma i weld rhestr gemau Abertawe yn llawn.

Gemau Casnewydd (gemau cartref yn dywyllach):

• Mansfield (4 Awst)

• Crewe Alexandra (11 Awst)

• Exeter City (18 Awst)

• Notts County (21 Awst)

• Grimsby (25 Awst)

Cliciwch yma i weld rhestr gemau Abertawe yn llawn.