Cyhoeddi enw gyrrwr 21 oed fu farw ym Mrynmawr

Mae Heddlu Gwent wedi cyhoeddi enw dyn fu farw mewn gwrthdrawiad ar Heol Blaenafon, Brynmawr ddydd Sadwrn.

Bu farw Bradley Lukins, 21 o'r Blaenau yn Ysbyty Nevill Hall o ganlyniad i'w anafiadau.

Yn ôl teulu Mr Lukins roedd yn "fachgen anhygoel" a oedd yn "gwneud pawb a oedd yn ei adnabod yn llawen".

Dywedodd y teulu eu bod nhw wedi eu "llorio" a "hoffent amser nawr i alaru".

Cafodd dau ddyn 21 oed eu harestio ar amheuaeth o achosi marwolaeth drwy yrru'n beryglus yn dilyn y digwyddiad.

Mae un dyn bellach wedi ei rhyddhau tra bod yr ymchwiliad yn parhau, a'r dyn arall wedi ei ryddhau heb unrhyw gamau pellach.

Mae'r heddlu'n gofyn i unrhyw un sydd â gwybodaeth am y digwyddiad i gysylltu â nhw ar 101.