Dyn wedi marw yn dilyn gwrthdrawiad ger Trawsfynydd

Mae dyn 70 oed wedi marw yn dilyn gwrthdrawiad ger Trawsfynydd yr wythnos diwethaf.

Bu farw'r dyn yn yr ysbyty ar ôl gwrthdrawiad rhwng dau gerbyd ar y gyffordd rhwng yr A4212 a'r A470 ger Trawsfynydd ar 5 Awst.

Cafodd teithiwr un o'r cerbydau hefyd eu cludo i'r ysbyty ag anafiadau difrifol, ond mae bellach wedi ei ryddhau.

Dywedodd y Sarsiant Raymond Williams: "Yn anffodus mae'r gwrthdrawiad nawr yn cael ei ymchwilio fel un angheuol, ac rydym ni'n adfywio ein hapêl am dystion."

Mae teulu'r dyn bellach yn derbyn cefnogaeth gan swyddogion arbenigol.