Yn cyflwyno... Geriant Thomas?!

Geriant ThomasTeam Sky

'Ennill y Tour de France ac mi fydd dy enw di'n cael ei adnabod ledled y byd.'

Mae'n ddamcaniad digon teg, ydy ddim?

Ond er bod Geraint Thomas - enillydd y Tour eleni - wedi hen arfer â phobl yn camsillafu ei enw, go brin y byddai'n disgwyl i'w dîm ei hun wneud hynny.

Mewn fideos gafodd eu rhoi ar Twitter a Facebook fore Mercher, i gyhoeddi lein-yp Team Sky ar gyfer y Tour of Britain, mae'r seiclwr o Gaerdydd yn cael ei enwi fel 'Geriant Thomas'.

Cafodd y fideos eu dileu brynhawn Mercher a'u hail-gyhoeddi gyda enw Geraint Thomas wedi'i gywiro.

Mae Geraint, sy'n 32 oed, wedi bod yn seiclo i Team Sky ers i'r tîm ddod i fodolaeth yn 2010.

Geraint ydy'r Cymro cyntaf i ennill y Tour de France, sydd yn cael ei gydnabod fel ras seiclo fwya'r byd.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Y Ddwy Olwyn

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Yn y cyfamser, mae Cyngor Casnewydd wedi cyhoeddi y byddan nhw'n ail-enwi Felodrôm Cenedlaethol Cymru ar ôl campau'r seiclwr yn Ffrainc.

Gobeithio bod y swyddogion sy'n gyfrifol yn darllen yn ofalus...

Hefyd o ddiddordeb: