Pro 14: Gleision 24-21 Toyota Cheetahs

Sgoriodd Olly Robinson un o'r ceisiadau munud olaf i Gleision Caerdydd

Llwyddodd Gleision Caerdydd i grafu buddugoliaeth yn erbyn Toyata Cheetahs ym mhencampwriaeth y Pro 14.

Bu'n awr gyntaf heriol i'r Gleision, ond daeth y tîm o hyd i'w rhythm ymosodol i ennill 24-21 ym Mharc yr Arfau Caerdydd.

Cyfrannodd ceisiadau hwyr gan Lloyd Williams ac Olly Robinson ynghyd â naw pwynt o giciau gan Gareth Anscombe tuag at eu llwyddiant.

Dyma ail fuddugoliaeth y Gleision yn olynol yn y bencampwriaeth, ac maent bellach yn drydydd yn nhabl y Pro 14.