Y Bencampwriaeth: Wigan 0 - 0 Abertawe
- Cyhoeddwyd
Mae gan Oli McBurnie o'r Elyrch bedair gôl i'w enw hyd yma y tymor hwn
Fe sicrhaodd Abertawe bwynt gwerthfawr wrth iddyn nhw ymweld â Wigan yn y Bencampwriaeth nos Fawrth.
Maen nhw bellach yn safleoedd y gemau ail-gyfle, un safle yn uwch na'r tîm cartref.
Yr Elyrch bwysodd yn bennaf yn yr hanner cyntaf, ond y Latics a reolodd y gêm yn yr ail hanner.
Ac er gwaetha ymdrech funud olaf gan Oli McBurnie i rwydo dros yr Elyrch, fe orffennodd y gêm yn ddi-sgôr.