Gwrthdrawiad difrifol yn cau ffordd ger Llyn Tegid
- Cyhoeddwyd
Digwyddodd y gwrthdrawiad ger maes carafanau a gwersylla Glanllyn
Mae ffordd wedi ei chau i ddau gyfeiriad yn dilyn gwrthdrawiad difrifol ger Llyn Tegid yng Ngwynedd.
Dywedodd Heddlu'r Gogledd bod y gwrthdrawiad wedi digwydd ar yr A494 rhwng Y Bala a Llanuwchllyn, ger maes gwersylla Glanllyn.
Un cerbyd oedd yn rhan o'r gwrthdrawiad, ond does dim gwybodaeth bellach ar hyn o bryd ynglŷn ag unrhyw anafiadau.
Dywedodd yr heddlu y byddai'r ffordd ar gau am gyfnod, ac y dylai teithwyr osgoi'r ardal.