Cwpan Ewrop: Lyon 21-30 Gleision Caerdydd
- Cyhoeddwyd
Gareth Anscombe a Macauley Cook yn dathlu ar ôl curo Lyon
Mae Gleision Caerdydd wedi sicrhau eu buddugoliaeth gyntaf yng Nghwpan Pencampwyr Ewrop ar ôl bod ar ei hôl hi yn Lyon o 10-0 ar un adeg.
Roedd yna dri chais i'r ymwelwyr wrth iddyn nhw chwarae eu gêm gyntaf yn y gystadleuaeth hon ers 2014.
Er gwaethaf cais cynnar gan Loan Goujon a throsiad a chic gosb gan Lionel Beauxis, fe gymerodd yr ymwelwyr yr awenau gweddill y gêm.
Roedd yna gais yr un i Olly Robinson a Tomos Williams, gyda Gareth Anscombe yn trosi pob un, cyn mynd yn ei flaen i gael cael ei hun wedi rhediad 50m hyd y cae.
Fe darodd Pierre-Louis Barassi yn ôl i sicrhau 5 pwynt arall i'r ymwelwyr, cyn i Anscombe unwaith eto sicrhau cic gosb lwyddiannus cyn y chwiban olaf.