Cwpan Pencampwyr Ewrop: Gleision 33-14 Lyon

Roedd Nick Williams yn gapten ar y Gleision am y tro cyntaf

Pum cais i'r tîm cartref wrth iddyn nhw drechu Lyon am yr ail dro eleni yng Nghwpan Pencampwyr Ewrop.

Lyon oedd ar y blaen ar yr hanner, yn dilyn cais gosb gynnar a gwaith ardderchog gan Xavier Mignot i ychwanegu'r ail.

Ond dechreuodd y Gleision reoli'r chwarae wedi'r egwyl, gyda Tomos Williams a Gareth Anscombe yn dangos eu doniau ymosodol.

Fe sgoriodd yr asgellwr Aled Summerhill dau gais i'r Gleision, gydag Owen Lane, Williams a Lewis Jones hefyd yn trosi er mwyn sicrhau'r pwynt bonws.

Derbyniodd blaenasgellwr y Gleision, Olly Robinson, gerdyn melyn yn y munudau olaf, ond ni chafodd effaith ar y canlyniad.