Matthew Maynard yn parhau fel rheolwr Morgannwg dros dro

Mae Morgannwg wedi cadarnhau bod Matthew Maynard yn parhau fel rheolwr y clwb tan ddiwedd tymor 2019.

Cafodd Maynard ei benodi fel rheolwr dros dro yn dilyn ymadawiad Robert Croft ym mis Hydref.

Dywedodd cyn-hyfforddwr batio Lloegr ei fod "wrth ei fodd" o gael y cyfle i arwain y garfan, gan obeithio am flwyddyn "lwyddiannus".

Bydd y broses o chwilio am olynydd i Maynard yn dechrau ar ddiwedd y tymor, yn ôl llefarydd ar ran y clwb.