Y Bencampwriaeth: Leeds 2-1 Abertawe
- Cyhoeddwyd
Roedd Dan James bron â symud i Leeds o Abertawe fis diwethaf
Colli oedd hanes Abertawe yn erbyn Leeds yn y Bencampwriaeth nos Fercher.
Roedd goliau gan Pontus Jansson a Jack Harrison yn ddigon i sicrhau buddugoliaeth o 2-1 i'r tîm cartref yn Elland Road.
Er i'r ymwelwyr rwydo cic o'r smotyn hwyr - diolch i'r eilydd Oli McBurnie - doedd hynny ddim yn ddigon i sicrhau pwynt a fyddai wedi bod yn un gwerthfawr.
Mae'r canlyniad yn gadael yr Elyrch yn y 12fed safle, tra bod Leeds yn dychwelyd i frig y gynghrair.