Apêl am wybodaeth wedi gwrthdrawiad yn Llanidloes

Mae Heddlu Dyfed-Powys yn apelio am wybodaeth yn dilyn gwrthdrawiad un car ym Mhowys.

Cafodd yr heddlu eu galw i ddigwyddiad lle bu car Ford Fiesta mewn gwrthdrawiad ar y B4569 yn Llanidloes toc wedi 03:00 fore Llun.

Cafodd dyn ei gludo i'r ysbyty gydag anafiadau sy'n peryglu'i fywyd.

Cafodd y ffordd ei chau tra bod yr heddlu yn ymchwilio i'r digwyddiad, ac maen nhw'n annog unrhyw un ag unrhyw wybodaeth i gysylltu gyda'r Uned Plismona'r Ffyrdd.