Dyn wedi marw mewn gŵyl gwrw yng Ngŵyr
- Cyhoeddwyd
Roedd yr ŵyl gwrw yn cael ei chynnal ar fferm Castell Weble
Mae dyn wedi marw mewn gŵyl gwrw yng Ngŵyr.
Cafodd Heddlu'r De eu galw i fferm Castell Weble yn Llanrhidian, lle roedd yr ŵyl yn cael ei chynnal, oddeutu 18:35 nos Wener.
Dywed plismyn iddynt gael eu galw i ddelio â "digwyddiad meddygol brys" ond bod y dyn 23 oed wedi marw yn y fan a'r lle er gwaethaf eu hymdrechion.
Dyw marwolaeth y dyn ddim yn cael ei thrin fel un amheus ac mae'r crwner a'r teulu agosaf wedi cael gwybod.