Egan Bernal i ennill y Tour de France, Thomas yn ail
- Cyhoeddwyd
Geraint Thomas (ar y dde) yn llongyfarch Egan Bernal wrth iddynt groesi'r llinell derfyn ddydd Sadwrn
Mae Egan Bernal ar fin ennill y Tour de France eleni - a'r disgwyl yw y bydd y Cymro Geraint Thomas yn gorffen yn ail.
Er bod un cymal ar ôl, mae'r cymal olaf yn wahanol i weddill y Tour, gyda thraddodiad nad oes unrhyw un yn herio'r cystadleuydd sydd yn y crys melyn.
Roedd Bernal, 22, yn gwisgo'r crys melyn ar ddechrau'r cystadlu ddydd Sadwrn, gyda'r cymal wedi'i gwtogi oherwydd pryderon am y tywydd.
Llwyddod y gŵr o Golombia - sydd, fel Thomas, yn aelod o Dîm Ineos - i ymestyn ei fantais ddydd Sadwrn. Vincenzo Nibali enillodd y cymal.
Mae gan Bernal fantais o funud a 11 eiliad dros Thomas yn yr ail safle, gyda Steven Kruijswijk yn drydydd.
Mae'r Ffrancwr Julian Alaphilippe - a oedd wedi arwain y ras am gyhyd - wedi llithro lawr i'r pumed safle.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.