Cwest yn agor i farwolaeth dynes gafodd ei tharo gan gar

Cafodd Margaret Jones ei tharo ar Stryd y Castell yn Llangollen

Mae cwest wedi cael ei agor i farwolaeth dynes o Langollen gafodd ei tharo gan gar ychydig gannoedd o lathenni yn unig o'i chartref.

Cafodd Margaret Jones, 87, ei hedfan i ysbyty yn Stoke gydag anafiadau difrifol wedi'r gwrthdrawiad gyda char Kia ar Stryd y Castell fore Iau, 15 Awst.

Bu farw yn yr ysbyty'n ddiweddarach y diwrnod hwnnw.

Clywodd y cwest yn Rhuthun bod Mrs Jones wedi dioddef anafiadau difrifol i'w hymennydd.

Cafodd y gwrandawiad ei ohirio nes dyddiad sydd eto i'w gadarnhau.