Canfod corff menyw mewn car yn yr afon yn Sir Caerffili

Mae'r heddlu wedi dod o hyd i gorff menyw mewn car yn yr afon yn Sir Caerffili.

Cafwyd hyd i gar mewn afon ger y B4251 yn Wyllie ger y Coed Duon tua 13:00 ddydd Mawrth.

Dywed Heddlu Gwent fod corff menyw wedi'i ganfod tu fewn i'r car.

Nid yw'r corff wedi cael ei adnabod yn ffurfiol hyd yma, ond dyw swyddogion ddim yn trin y farwolaeth fel un amheus ar hyn o bryd.