Dyn wedi marw ar ôl cael ei daro gan fan yng Ngwynedd
- Cyhoeddwyd
Digwyddodd y gwrthdrawiad ar yr A493 rhwng Bryncrug a Thywyn
Mae dyn wedi marw ar ôl cael ei daro gan fan tra'n cerdded yng Ngwynedd nos Sadwrn.
Dywedodd Heddlu'r Gogledd fod y gwrthdrawiad wedi digwydd tua 21:45pm ar yr A493 rhwng Bryncrug a Thywyn.
Ychwanegodd yr heddlu nad oedd y dyn yn lleol i'r ardal, a'u bod yn "meddwl am deulu'r dyn" ar yr adeg hon.
"Rydyn ni'n apelio ar unrhyw yn a welodd y gwrthdrawiad, neu a welodd berson yn cerdded rhwng Tywyn a Bryncrug i gysylltu â ni," meddai'r Sarjant Meurig Jones.