Y Bencampwriaeth: Millwall 2-2 Caerdydd
- Cyhoeddwyd
Tom Bradshaw yn sgorio ei ail gôl
Fe wnaeth ymosodwr Cymru Tom Bradshaw sgorio ddwywaith er mwyn sicrhau pwynt i Millwall yn erbyn Caerdydd.
Ond bydd Caerdydd yn gofidio eu bod wedi bod ar y blaen ddwywaith yn y gêm.
Danny Ward sgoriodd y cyntaf gyda'i ben, o groesiad Junior Hoilett
Daeth Bradshaw â'r timau'n gyfartal ychydig cyn yr egwyl, ei ergyd yn curo Neil Etheridge.
Aeth yr ymwelwyr yn ôl ar y blaen gyda chyd-chwarae da rhwng Ward a Lee Tomlin yn rhoi cyfle i Hoilett ergydio.
Ond yn ôl daeth Millwall a Bradshaw, gyda'r ymosodwr yn ergydio i gornel y rhwyd.
Newyddion drwg arall i'r rheolwr Neil Warnock oedd anaf i Hoilett, wnaeth adael y cae ar ôl 67 munud.