Y Bencampwriaeth: Abertawe 0-3 Brentford
- Cyhoeddwyd
Jake Bidwell yn taro'r bêl i rwyd ei hun
Parhau mae record gartref gwael diweddar Abertawe, gyda Brentford yn sicrhau buddugoliaeth gyfforddus yn Stadiwm Liberty nos Fawrth.
Dyw Abertawe heb golli oddi cartref yn y Bencampwriaeth y tymor hwn, ond mae eu record gartref yn un simsan wrth iddyn nhw baratoi i groesawu Caerdydd ddydd Sul.
Said Benrahma sgoriodd gôl gyntaf Brentford, ei ergyd wedi ei grymanu heibio Freddie Woodman.
Yna fe roddodd Jake Bidwell i rwyd ei hun, gyda Bryan Mbeumo yn cwblhau'r sgorio.
Doedd Abertawe heb golli gêm gartref ers Dydd San Steffan 2018 cyn i Nottingham Forest ennill ar y Liberty ym mis Medi.
Ers hynny dyw'r tîm ond wedi sicrhau un pwynt o bedair gêm gartref.