Cwpan Her Ewrop: Bayonne 11-19 Scarlets
- Cyhoeddwyd
Rob Evans sgoriodd cais cyntaf y gêm
Mae gobeithion y Scarlets o gyrraedd wyth olaf Cwpan Her Ewrop yn fyw ar ôl iddyn nhw ennill oddi-cartref yn Bayonne nos Sadwrn.
Fe aeth y Scarlets ar y blaen diolch i gais gan y Prop Rob Evans gyda Leigh Halfpenny yn cicio gweddill y pwyntiau.
Daeth cais gorau'r gêm gan Michael Ruru i Bayonne gyda rhediad unigol arbennig.
Ond llwyddodd y Scarlets I oroesi pwysau hwyr y tîm cartref i sicrhau buddugoliaeth cyn i'r ddau dîm gwrdd eto nos Wener nesaf yn Llanelli.