Menyw 84 oed o Aberdâr wedi marw mewn gwrthdrawiad
- Cyhoeddwyd
Yr olygfa ar Heol Rhigos yn Hirwaun ddydd Sadwrn
Mae Heddlu'r De yn apelio am wybodaeth yn dilyn marwolaeth menyw 84 oed ddydd Gwener.
Cafodd y gwasanaethau brys eu galw yn dilyn gwrthdrawiad rhwng BMW coch a Peugeot llwyd ar Heol Rhigos yn Hirwaun toc cyn 15:00.
Bu farw gyrrwr y Peugeot - menyw 84 oed o Aberdâr - ac mae ei theulu wedi cael gwybod.
Mae dyn 25 oed o ardal Hirwaun, gafodd ei arestio ar amheuaeth o achosi marwolaeth trwy yrru'n beryglus, bellach wedi ei ryddhau dan ymchwiliad.