Cwpan Her Ewrop: Scarlets 15-27 Toulon
- Cyhoeddwyd
Roedd yna ergyd fawr i obeithion y Scarlets o barhau yng Nghwpan Her Ewrop ar ôl colli gartref yn erbyn Toulon.
Golygai'r canlyniad mai Toulon sy'n gorffen ar frig Grŵp Dau.
Mae'r tri o'r timau sy'n gorffen yn ail yn eu grŵp - a gyda'r cyfanswm pwyntiau uchaf - hefyd yn cyrraedd rownd go-gynderfynol y gystadleuaeth.
Fe ddechreuodd pethau'n dda i'r Scarlets gyda'r mewnwr Gareth Davies yn croesi ar ôl dim ond munud o'r gêm.
Fe darodd y Ffrancwyr yn ôl gyda chais yr un i Anthony Etrillard, Maisivesi Dakuwaqa, Julian Savea a Bastssien Soury.
Mewn amgylchiadau anodd ym Mharc y Scarlets roedd blaenwyr Toulon yn rhy gryf i'r tîm cartref.
Croesodd Steff Evans am gais cysur hwyr.
Fe fydd yn rhaid i'r Scarlets drechu'r Gwyddelod yn Llundain ar 18 Ionawr, a gobeithio am ganlyniadau ffafriol yn y grwpiau eraill er mwyn sicrhau lle yn yr wyth olaf.