Dyn wedi marw mewn gwrthdrawiad ffordd ym Mlaenau Gwent
- Cyhoeddwyd
Digwyddodd y gwrthdrawiad ar y B4248 i'r dwyrain o Frynmawr
Mae Heddlu Gwent yn apelio am wybodaeth wedi gwrthdrawiad ffordd angheuol ym Mlaenau Gwent.
Cafodd y gwasanaethau brys eu galw i'r B4248 i'r dwyrain o Frynmawr am 12:30 ddydd Gwener.
Un car, Renault Megane arian, oedd yn y gwrthdrawiad ac mae'r llu wedi cadarnhau bod y gyrrwr, dyn 49 oed o ardal Glynebwy, wedi marw yn y fan a'r lle.
Mae teulu'r dyn wedi cael gwybod, ac maen nhw'n cael cefnogaeth gan swyddogion heddlu arbenigol.
Mae'r heddlu eisiau clywed gan unrhyw dystion yn yr ardal, neu yrwyr oedd yn teithio ar y ffordd tua'r un pryd â'r gwrthdrawiad.
Maen nhw'n gofyn i unrhyw un sydd â gwybodaeth neu luniau all helpu'r ymchwiliad i gysylltu â nhw neu ffonio 101 gan ddyfynnu'r cyfeirnod 2000019125.