Dyn ifanc lleol wedi marw mewn gwrthdrawiad yn Llŷn
- Cyhoeddwyd
Blodau wedi'u gadael ar ffordd gefn rhwng Llithfaen a Phentrefuchaf
Mae dyn ifanc wedi marw mewn gwrthdrawiad yn Llŷn yn oriau mân fore Sul.
Cafodd yr heddlu a'r gwasanaethau tân ac ambiwlans eu galw i ffordd gefn rhwng Llithfaen a Phentrefuchaf toc cyn 02:00.
Dywedodd Heddlu'r Gogledd fod dyn lleol yn ei ugeiniau wedi marw yn y fan a'r lle.
Roedd y digwyddiad yn ymwneud â char Skoda Octavia du.
Bu'r ffordd ar gau am bron i chwe awr ac mae'r heddlu'n apelio am wybodaeth.