Y Bencampwriaeth: Luton Town 0-1 Caerdydd

Lee Tomlin yn sicrhau buddugoliaeth i'r Adar Gleision yn erbyn Luton Town.

Mae Caerdydd o fewn pedwar pwynt i gemau'r ail gyfle wedi i gôl Lee Tomlin sicrhau buddugoliaeth oddi cartref iddyn nhw yn erbyn Luton Town.

Dyma drydedd gôl Tomlin mewn pedair gêm.

Fe ddaeth ei ergyd lwyddiannus 17 munud cyn diwedd yr ail hanner a hynny wedi i Luton wastraffu sawl cyfle yn yr hanner cyntaf.

Cyn hynny roedd Joe Bennett wedi bod yn agos i sgorio ddwywaith.

Wedi'r fuddugoliaeth mae Caerdydd yn wythfed yn y tabl, un safle uwchben Abertawe a gollodd yn erbyn Derby County.