Cau rhan o'r A55 ar Ynys Môn wedi gwrthdrawiad
- Cyhoeddwyd
Mae rhan o ffordd yr A55 wedi bod ar gau yn dilyn gwrthdrawiad difrifol am 14:00 bnawn Sul.
Mae'r ffordd wedi bod ar gau i'r ddau gyfeiriad rhwng cyffordd 6 ger Llangefni a chyffordd 5 yn Engedi.
Mae Heddlu Gogledd Cymru wedi apelio ar unrhyw un sydd â gwybodaeth am lori yn gyrru'n araf i gyfeiriad y gorllewin ychydig cyn 14:00 i gysylltu gyda nhw drwy ffonio 101 gan ddefnyddio'r cyfeirnod Y022708.
Dywedodd Gwasanaeth Tân y Gogledd fod tanwydd wedi gollwng ar y ffordd yn dilyn y gwrthdrawiad, ac fe aeth criwiau o Rosneigr a Chaergybi yno i gynorthwyo.
Yn y cyfamser mae Pont Britannia ar gau i bob cerbyd heblaw am geir oherwydd gwyntoedd cryfion.