Cyhuddo dyn o lofruddio ei wraig 67 oed yng Nghwmbrân
- Cyhoeddwyd
Bu farw Ruth Williams yn yr ysbyty o'i hanafiadau
Mae dyn wedi ymddangos yn y llys wedi'i gyhuddo o lofruddiaeth ar ôl i'w wraig gael ei chanfod yn anymwybodol mewn tŷ yng Nghwmbrân.
Fe gafodd Ruth Williams, 67, ei chanfod fore Sadwrn a'i chludo i Ysbyty Brenhinol Gwent yng Nghasnewydd, lle bu farw o'i hanafiadau.
Fe wnaeth Anthony Williams, 69, ymddangos yn Llys Ynadon Casnewydd fore Llun wedi'i gyhuddo o lofruddiaeth.
Cafodd Mr Williams ei gadw yn y ddalfa, ac mae disgwyl iddo ymddangos yn Llys y Goron Caerdydd ddydd Mawrth.