Arestio dyn ar amheuaeth o geisio llofruddio
- Cyhoeddwyd
Cafodd yr heddlu eu galw i'r digwyddiad ar Sgwâr Llanarth ym Mhontymister ddydd Gwener
Mae dyn 47 oed wedi cael ei arestio ar amheuaeth o lofruddiaeth wedi i ddyn arall gael ei drywanu yn Rhisga, Sir Caerffili ddydd Gwener.
Dywedodd Heddlu Gwent eu bod wedi'u galw i'r digwyddiad am ar Sgwâr Llanarth ym mhentref Pontymister am 17:30.
Roedd dyn lleol 39 oed wedi dioddef anafiadau trywanu i'w cefn, ei frest a'i goes.
Cafodd ei gludo i Ysbyty Athrofaol Cymru yng Nghaerdydd ble mae mewn cyflwr sefydlog.
Dywedodd yr heddlu bod dyn 47 oed o Risga wedi cael ei arestio ar amheuaeth o geisio llofruddio ac mae'n parhau yn y ddalfa.
Ychwanegodd y llu nad ydyn nhw'n chwilio am unrhyw un arall mewn cysylltiad â'r digwyddiad, ond eu bod yn annog unrhyw un sydd â gwybodaeth i gysylltu â nhw.