Cefnogwyr Caerdydd yn cael eu rhyddhau heb gyhuddiadau

Cefnogwyr Caerdydd yn ystod y gêm yn Stadiwm Madejski yn Reading

Mae pedwar o gefnogwyr Clwb Pêl-droed Caerdydd, gafodd eu harestio am "sylwadau hiliol" yn ystod gêm ym mis Ionawr, wedi cael eu rhyddhau heb gyhuddiadau yn eu herbyn.

Cafodd y pedwar eu harestio wedi'r gêm yng Nghwpan FA Lloegr oddi cartref yn Reading ar 25 Ionawr.

Roedd CPD Caerdydd wedi cwestiynu'r honiadau cyn mynnu ymddiheuriad gan glwb Reading.

Ond gadarnhaodd Heddlu Thames Valley bod y cefnogwyr wedi cael eu rhyddhau.