Achub bachgen 13 oed o raeadr yng Nghwm Nedd
- Cyhoeddwyd
Roedd 15 o wirfoddolwyr o'r tîm achub yn rhan o'r ymdrech i helpu'r bachgen 13 oed
Mae bachgen 13 oed wedi cael anafiadau i'w gefn a'i belfis ar ôl neidio i bwll dŵr ger rhaeadr yng Nghwm Nedd.
Yn ôl tîm Achub Mynydd Gorllewin y Bannau cafodd y gwasanaethau brys eu galw am 15.30 yn dilyn adroddiadau fod bachgen wedi syrthio 20 metr i raeadr Sgwd Gwladys ger Pontneddfechan.
Cafodd y bachgen driniaeth yn y fan a'r lle gan y tîm, cyn i hofrennydd Gwylwyr y Glannau ei godi o'r dyffryn.
Mae'r bachgen wedi cael ei gludo i'r ysbyty.