Cofio'r Parchedig Ddoctor Elfed ap Nefydd Roberts
- Cyhoeddwyd
Y Parchedig Ddoctor Elfed ap Nefydd Roberts ar ddiwrnod ei urddo'r Gymrawd Er Anrhydedd Prifysgol Cymru Bangor
Mae teyrngedau'n cael eu rhoi i'r Parchedig Ddoctor Elfed ap Nefydd Roberts a fu farw yn 84 oed.
Mae Eglwys Bresbyteraidd Cymru wedi disgrifio'r pregethwr, awdur a darlledwr, oedd hefyd yn brifathro'r hen Goleg Diwinyddol yn Aberystwyth rhwng 1980 a 1997, fel "un o'n gweinidogion amlycaf".
Fe wasanaethodd fel gweinidog yn Egwlysi Presbyteraidd Llanelli, Tŵr Gwyn ym Mangor. Capel y Groes Wrecsam a Chapel y Berthen Licswm.
Bu farw yng nghwmni ei deulu ddydd Mercher yn ei gartref yn Abergele wedi cyfnod o salwch.
'Colled mawr ar ei ôl'
Dywed datganiad ar ran ei deulu: "Roedd yn awdur ar dros 25 o lyfrau yn y Gymraeg ar grefydd a diwinyddiaeth, yn ddarlledwr poblogaidd a chyson ar y radio a theledu.
"Yn gyn-olygydd ar sawl papur crefyddol gan gynnwys Y Goleuad ac hyd at ei fisoedd olaf yn gyfranwr rheolaidd. Bydd colled mawr ar ei ôl."
Caniatáu cynnwys X?
Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.
Mewn neges ar y cyfryngau cymdeithasol, dywedodd Eglwys Bresbyteraidd Cymru: "Gyda tristwch a gobaith yr ydym yn cofio y Parch Elfed ap Nefydd Roberts, un o'n gweinidogion amlycaf, cyn-brifathro ein Coleg Diwinyddol, Cyn-Lywydd ein Cymanfa, hanesydd ag awdur toreithiog.
Yn 2008 fe gafodd ei urddo'n Gymrawd Er Anrhydedd gan Brifysgol Cymru Bangor i gydnabod ei wasanaeth i'r astudiaeth o Ddiwinyddiaeth.
Mae'n gadael gwraig, Eiddwen, a dau o blant, Jonathan ac Elen Mai.