Y Bencampwriaeth: Abertawe 2-0 Blackburn Rovers

Ben Cabango yn penio'r bêl i'r rhwyd - ei ail gôl o'r tymor a thrydedd gôl ei yrfa

Chwarae clinigol yr Elyrch oedd yn gyfrifol am eu buddugoliaeth yn erbyn Blackburn Rovers ar y Liberty brynhawn Sadwrn.

Sgoriodd Ben Cabango gyda pheniad nerthol yn yr hanner cyntaf, ag Andre Ayew hefyd yn penio'r bêl i'r rhwyd yn yr ail hanner i sicrhau buddugoliaeth i'r tîm cartref.

Dechreuodd Blackburn Rovers y prynhawn fel y tîm oedd wedi sgorio'r nifer fwyaf o goliau yn y Bencampwriaeth, ac fe wnaethon nhw fethu sawl cyfle dro ar ôl tro.

Mae Abertawe'n codi i'r ail safle yn dilyn y fuddugoliaeth hon, a Rovers yn disgyn i'r pymthegfed safle.