Ateb y Galw: Y canwr a'r darlledwr Huw Jones
- Cyhoeddwyd
Y canwr a'r darlledwr Huw Jones sy'n Ateb y Galw yr wythnos yma ar ôl iddo gael ei enwebu gan Dr Elin Jones yr wythnos diwethaf.
Huw, ynghyd â Dafydd Iwan, oedd sefydlydd y cwmni recordio, Sain, yn 1969. Bu'n brif weithredwr S4C rhwng 1994 a 2005 ac roedd yn gadeirydd Awdurdod y sianel hyd at 2019.
Beth ydi dy atgof cyntaf?
Yn sâl yn fy ngwely hefo tân glo mawr yn y llofft (2-3 oed).
Pwy oeddet ti'n ei ffansio pan yn iau?
Criw o fyfyrwyr del o'r gorllewin fyddai'n dod i Gapel Ebeneser, Caerdydd, pan oeddwn i tua 14.
Beth oedd y digwyddiad a gododd y mwya' o gywilydd arnat ti erioed?
Cael fy nal yn trio torri i mewn i Hostel Ieuenctid yn yr Almaen pan yn bodio ar draws Ewrop yn 1967.
Huw oedd canwr sengl gyntaf y cwmni Sain yn 1969
Pryd oedd y tro diwethaf i ti grïo?
Fore Mercher, Tachwedd 4ydd, pan wnaeth Donald Trump ei orau i danseilio democratiaeth.
Oes gen ti unrhyw arferion drwg?
Treulio gormod o amser yn syrffio'r we!
Dyweda rhywbeth amdanat ti dy hun nad oes yna lawer o bobl yn ei wybod.
Ges i fy ngeni ym Manceinion (ond gan mod i wedi sôn am hynny yn fy hunangofiant, tydi hi ddim yn gyfrinach bellach).
Y noson orau i ti ei chael erioed?
Gyrru adre i'r gogledd ar ôl i Gymru guro'r Almaen 1-0 yn 1991.
Ian Rush oedd yr arwr a sgoriodd yr unig gôl ym muddugoliaeth Cymru dros Yr Almaen ym Mharc yr Arfau, Caerdydd
Disgrifia dy hun mewn tri gair.
Ymddeoledig ac ymlaciedig.
Dy hoff le yng Nghymru a pham?
Unrhyw le yn Eryri dros 300m.
Beth yw dy hoff gân a pham?
Hen Wlad Fy Nhadau cyn gêm ryngwladol, cyn y Cloi - oes angen egluro?
O archif Ateb y Galw:
Petaset yn gallu bod yn rhywun arall am ddiwrnod, pwy fyddai fo/hi?
Lionel Messi.
Ar dy ddiwrnod olaf ar y blaned, beth fyddet ti'n ei wneud?
Yn ddelfrydol cael parti mawr hefo fy holl deulu a ffrindiau - ond yn dibynnu be' oedd ar fin digwydd i'r blaned.
Beth yw dy hoff lyfr, ffilm neu bodlediad a pham?
Hanes Cymru gan John Davies - darllen hanfodol i bob Cymro a Chymraes.
Bu farw'r arbenigwr ar hanes Cymru, John 'Bwlchllan' yn 2015
Cwrs cyntaf, prif gwrs a pwdin - beth fyddai'r dewis?
Cinio Nadolig Sian (fy ngwraig) - ond nid bob dydd chwaith.
Pwy wyt ti'n ei enwebu nesaf?
Geraint Løvgreen
