Pro14: Scarlets 18-17 Zebre

Dane Blacker yn sgorio ail gais y Scarlets

Roedd yna fuddugoliaeth i'r Scarlets yn erbyn Zebre ddydd Sul ond dim ond o drwch blewyn wedi perfformiad digon siomedig adref ar eu tir eu hunain.

Hanner amser roedd y cochion ar y blaen o 15-6 wedi ceisiau gan Ryan Conbeer a Dane Blacker ond yna fe frwydrodd yr Eidalwyr yn ôl a chafwyd cais gan Pierre Bruno ac roedd ciciau cosb Antonio Rizzi yn llwyddiannus.

Angus O'Brien a sicrhaodd y fuddugoliaeth i'r Scarlets wedi cic gosb yn y munudau diwethaf.

Dyma ail fuddugoliaeth y tymor i'r Scarlets yn y Pro14 ond bydd rhaid i'w perfformiad wella cyn wynebu timau cryfach y gystadleuaeth.