Pro14: Connacht 14-20 Scarlets

Mae'r Scarlets wedi codi i ail safle Adran B y Pro14 wedi buddugoliaeth oddi cartref yn Galway nos Sadwrn, serch pwysau mawr gan y gwrthwynebwyr yng nghymal olaf gêm a gafodd ei chwarae mewn tywydd garw.

Sgoriodd Ryan Conbeer ddau gais, naill ochr i gais gan Abraham Papli'i, i roi mantais o chwe phwynt - 7-13 - i'r Scarlets erbyn diwedd yr hanner cyntaf.

Ymestynodd Dane Blacker y fantais, ynghyd â chiciau Dan Jones, cyn i Ultane Dillane leihau'r bwlch i Connacht.

Cafodd cais hwyr gan Dillane ei wrthod gan y swyddog teledu ac o ganlyniad 14-20 oedd y sgôr terfynol.

Roedd 12 o chwaraewyr y Scarlets ddim ar gael oherwydd eu bod gyda'r garfan genedlaethol.