Pro14: Ulster 26-24 Scarlets
- Cyhoeddwyd
Er gwaethaf pob ymdrech y Scarlets yn colli o ddau bwynt oddi cartref
Colli wnaeth y Scarlets yn erbyn Ulster yn y Pro14 nos Sul.
Aeth Ulster ar y blaen wedi chwe munud wedi cais gan Rob Lyttle ond yna cais i'r Scarlets gan Paul Asquith ac roedd y trosiad yn gywir.
Ond yng nghanol ymosodiad y Scarlets rhyng-gipiodd Moore bas lac ar ei ddwy ar hugain ei hun a rhedeg hyd y cae i sgorio'i gais a Cooney wedyn yn trosi.
Ychwanegodd Reidy drosgais wedi hynny ac roedd hi'n 19 i saith ar hanner amser.
Dechreuodd yr ail hanner yn dda i'r Scarlets gyda Ryan Cobeer yn sgorio yn y cornel.
Tra bod Matt Faddes, Ulster yn y gell gosb am dacl uchel fe groesodd Steff Evans y gwyngalch, ac roedd hi'n 19 i 17.
Wedi eilyddio pedwar chwaraewr roedd Ulster yn ymosod eto a daeth trosgais arall drwy Treadwell i'w gosod ddwy sgôr ar y blaen.
Daeth trosgais arall i'r Scarlets drwy Price bedwar munud o'r diwedd ond boddi yn ymyl y lan wnaeth y tîm o Lanelli. Y sgôr terfynol 26-24.