Cynllun ynni yn gobeithio arbed arian a lleihau allyriadau

Bydd apiau yn caniatau i bobl gadw llygad ar eu defnydd o ynni

Mae'r gwaith ar fin dechau ar un o'r cynlluniau mwyaf o'i fath i osod offer arbed ynni mewn cartrefi.

Bydd bron i 650 o dai yn ardal Penderi, Abertawe, yn derbyn technoleg glyfar ac offer storio ynni.

Cymdeithas tai cymdeithasol Pobl sy tu cefn i'r fenter sy'n derbyn £3.5m oddi wrth yr Undeb Ewroeaidd.

Dywedodd Julie Jaems y gweinidog tai fod y cynllun yn un fydd yn "trawsnewid" y sefyllfa.

Y gobaith yw y bydd y cynllun yn galluogi cartrefi i gynhyrchu hyd at 60% o'r trydan sydd ei angen arnynt, gan leihau costau ynghyd ag allyriadau carbon gan hyd at 350 o dunelli bob blwyddyn.

Dywed Brian Mcallen ei fod ef eisoes wedi buddio o'r cynllun

Mae Brian Mcallen yn un o'r rhai sydd eisoes wedi buddio o'r dechnoleg newydd. Roedd e'n croesawu'r ffaith fod y cynllun yn mynd i gael ei ehang

"Mae'n caniatáu i bobl weld go iawn sut mae ynni gwyrdd yn gweithio," meddai.

Fe fydd bob cartref yn derbyn thermostat clyfar a fydd yn caniatáu iddynt reoli'r gwres drwy ap.

Fe fydd y gwaith o ehangu'r cynllun yn dechrau yn y flwyddyn newydd.

Mae'r cynllun yn cael ei ddarparu mewn cydweithrediad gyda'r cwmni cyflenwi adnewyddol, Sero.

Mae'r prosiect yn rhan o brosiect ehangach fydd yn gweld miloedd o dai yn elwa o ganlyniad i gytundeb £1.3bn ardal ranbarth Dinas Bae Abertawe - pe bai'r cynllun yn derbyn sel bendith llywodrathau Cymru a'r DU.

Byddai'n golygu y bydd 7,000 o'r stoc dai presennol yn elwa ynghyd â 3,300 o dai sydd yn y broses o gael eu hadeiladu.u.