Ambiwlans mewn gwrthdrawiad ar ffordd fynyddig

Mae ambiwlans wedi bod mewn gwrthdrawiad ar ffordd fynyddig yn Rhondda Cynon Taf.

Dywed y gwasanaethau brys eu bod wedi eu galw i'r digwyddiad ar Fynydd y Rhigos yn Nhreherbert.

Mae'r ffordd ar gau rhwng Stad Ddiwydiannol Hirwaun a Threherbert ac mae gyrwyr wedi eu cynghori i osgoi'r ardal am y tro.

Dywed yr heddlu a'r Gwasanaeth Tân bod eu swyddogion wedi eu galw i'r digwyddiad ac mae Gwasanaeth Ambiwlans Cymru wedi cadarnhau fod ambiwlans yn rhan o'r gwrthdrawiad.