Dyn wedi ei gyhuddo o lofruddio dynes yn Rhiwabon
- Cyhoeddwyd
Roedd y ddynes wedi marw erbyn i blismyn gyrraedd y tŷ yn Rhiwabon
Bydd dyn 25 oed o Riwabon ger Wrecsam yn ymddangos ger bron Llys Ynadon Llandudno ddydd Llun ar gyhuddiad o lofruddiaeth wedi digwyddiad yn y pentref yn ystod oriau mân fore Iau.
Cafodd Kyle Ellis ei arestio wedi i gorff dynes gael ei ganfod wedi tân mewn tŷ.
Dywedodd Heddlu'r Gogledd iddyn nhw gael eu galw i'r tŷ oddeutu 00:25 fore Iau, 11 Chwefror.
Roedd y ddynes wedi marw erbyn iddyn nhw gyrraedd.
Dywed Heddlu'r Gogledd eu bod yn cydymdeimlo â'i theulu.