Pro14: Dreigiau 26 -17 Glasgow
- Cyhoeddwyd
Jordan Williams ar garlam i'r Dreigiau
Mae gobeithion y Dreigiau o sicrhau lle yng Nghwpan y Pencampwyr y flwyddyn nesa, er yn denau, yn parhau yn fyw diolch i fuddugoliaeth 26-17 yn erbyn Glasgow.
Roedd yna gais yr un i Jordan Williams a Matthew Screech yn chwarter olaf y gêm, gan ychwanegu at 16 pwynt Sam Davies.
Er hyn Glasgow oedd ar y blaen ar yr hanner, Fraser Brown a Rufus MacLean yn croesi'r llinell gais.
Golyga'r canlyniad fod Glasgow a'r Dreigiau yn gyfartal yn y grŵp, ond fod Glasgow yn parhau â mantais pwyntiau dros y Cymry.