Y Teulu Brenhinol yn cofio bywyd Dug Caeredin

Cariwyd arch y Tywysog Philip mewn Land Rover wedi'i addasu, a helpodd y dug i'w ddylunio

Mae Dug Caeredin wedi cael ei roi i orffwys mewn angladd yng Nghapel San Siôr.

Talodd Deon Windsor deyrnged i'r Tywysog Philip, gan gyfeirio at ei "deyrngarwch diwyro i'r Frenhines" a'i "wasanaeth i'r genedl".

Roedd y gynulleidfa yn gwisgo masgiau ac roedden nhw wedi'u pellhau'n gymdeithasol yn unol â rheolau Covid, gyda'r Frenhines yn eistedd ar ei phen ei hun.

Cyn hynny, bu aelodau o'r Teulu Brenhinol yn cerdded y tu ôl i arch Dug Caeredin mewn gorymdaith.

Ei blant - y Dywysoges Anne a'r Tywysog Charles - oedd yn y rheng flaen, ac yna'r Tywysog Edward a'r Tywysog Andrew.

Yn y drydedd res, cerddodd y Tywysog William a'r Tywysog Harry y naill ochr i'w cefnder Peter Phillips.

Roedd cysylltiad y Tywysog Philip â'r Llynges Frenhinol a'i gariad at y môr yn ganolbwynt i'r seremoni yng Nghastell Windsor.

Ond nid oedd pregeth, yn unol â'i ddymuniadau.

Roedd mwy na 730 aelod o'r lluoedd arfog yn cymryd rhan yn y digwyddiad, ond roedd cyfyngiad o 30 o alarwyr yn y capel, o dan reolau Covid.

Roedd munud cenedlaethol o dawelwch am 15:00.

Getty Images

Bu farw'r Tywysog Philip yng Nghastell Windsor ddydd Gwener 9 Ebrill, yn 99 oed.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Mark Drakeford

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol
Reuters

Aelodau o'r Teulu Brenhinol yn cerdded tu ôl i arch Dug Caeredin ar dir Castell Windsor

Roedd ei gorff yn gorffwys yn y capel preifat yng Nghastell Windsor cyn cael ei symud i Fynedfa'r Wladwriaeth.

Cafodd ei arch ei gosod ar Land Rover wedi'i addasu - un a helpodd y dug ei hun i'w ddylunio - ac yna'i chario mewn gorymdaith byr i Gapel San Siôr.

Wrth siarad ar raglen arbennig Newyddion S4C wedi'r gwasanaeth, dywedodd yr hanesydd Hefin Mathias fod "mawrdra'r capel yn tanlinellu pa mor fach oedd y gynulleidfa".

"Ond ar yr un pryd," meddai, "mewn ffordd eironig, mi oedd 'na ystyr dyfnach ac o'n i'n teimlo bod 'na urddas arbennig a sylwedd mawr iawn yn perthyn i'r gwasanaeth.

"Oedd e'n wasanaeth syml iawn ac roedd hynny'n adlewyrchu dymuniad y Dug."

Pynciau cysylltiedig

Straeon perthnasol