Beiciwr modur wedi marw mewn gwrthdrawiad yng Ngilfach
- Cyhoeddwyd
Bu farw Owen Thomas yn y fan a'r lle wedi'r gwrthdrawiad ym mhentref Gilfach
Mae dyn lleol 26 oed wedi marw yn dilyn gwrthdrawiad yn Sir Caerffili nos Iau.
Bu farw Owen Carey Thomas yn y fan a'r lle wedi'r digwyddiad ym mhentref Gilfach, rhwng Bargoed a Phengam.
Fe ddigwyddodd y gwrthdrawiad rhwng ei feic modur a char yn Park Place tua 20:45.
Mae menyw 39 oed o Gaerffili yn y ddalfa ar ôl cael ei harestio ar amheuaeth o achosi marwolaeth trwy yrru'n beryglus.
Mae Heddlu Gwent yn rhoi cefnogaeth i deulu Mr Thomas.
Maen nhw hefyd yn apelio am wybodaeth neu luniau dashcam gan unrhyw un oedd yn yr ardal adeg y gwrthdrawiad.