Marwolaeth Llanelwy: Rhyddhau dyn ar fechnïaeth

Fe ddigwyddodd yr ymosodiad tu allan i un o dai Llys Clwyd, yn Llanelwy

Mae dyn 57 oed a gafodd ei arestio wedi i ddyn farw yn dilyn digwyddiad yn Sir Ddinbych wedi cael ei ryddhau ar fechnïaeth.

Bu'n rhaid cludo dyn 58 oed i'r ysbyty yn dilyn ymosodiad tu allan i dŷ yn Llanelwy ddydd Mercher 16 Mehefin ond bu farw'n ddiweddarach.

Yn ôl Heddlu Gogledd Cymru mae "ymholiadau'n parhau i gadarnhau holl amgylchiadau'r ymosodiad a ddigwyddodd tu allan i eiddo yn Llys Clwyd".

Dywedodd y Prif Arolygydd Emma Naughton: "Mae ein meddyliau'n parhau gyda theulu'r dyn, sy'n cael cefnogaeth swyddogion cyswllt teulu arbenigol.

"Rydym yn parhau i apelio ar unrhyw un all wedi bod yn ardal Llys Clwyd ychydig cyn 17:00 brynhawn Mercher i gysylltu â ni."

Mae modd gwneud hynny ar-lein neu drwy ffonio 101 a dyfynnu'r cyfeirnod 21000421960.