Amserlenni tymor 2021/22 i glybiau o Gymru
- Cyhoeddwyd
Mae clybiau pêl-droed Cymru sy'n chwarae yng Nghynghrair Lloegr wedi cael gwybod eu hamserlen ar gyfer y tymor nesaf.
Caerdydd yw'r unig glwb sy'n dechrau gyda gêm gartref pan fyddan nhw'n croesawu Barnsley i Stadiwm Dinas Caerdydd ar 7 Awst yn y Bencampwriaeth.
Ar yr un diwrnod bydd Abertawe'n teithio i herio Blackburn Rovers yn Sir Gaerhirfryn.
Yr wythnos ganlynol y daw gêm gartref gynta'r Elyrch pan fydd Sheffield United yn teithio i Stadiwm Liberty.
Fe fydd Caerdydd ac Abertawe'n herio'n gilydd ar 16 Hydref a 2 Ebrill, gyda'r gyntaf o'r ddwy ornest yn y Liberty.
Yn Adran 2 bydd Casnewydd yn dechrau eu tymor gyda thaith i Oldham ar 7 Awst.
Bydd eu gêm gartref gyntaf nhw yn erbyn Mansfield yr wythnos ganlynol.
Gallwch weld rhestr lawn o gemau'r clybiau ar wefan chwaraeon y BBC - Y Bencampwriaeth ac Adran 2.