Marwolaeth Tomasz Waga: Cadw pumed dyn yn y ddalfa

Aelod o'r cyhoedd ddaeth o hyd i gorff Tomasz Waga ar stryd yn ardal Pen-y-lan, Caerdydd

Mae achos yn erbyn pumed dyn sydd wedi ei gyhuddo mewn cysylltiad â llofruddiaeth Tomasz Waga yn ardal Pen-y-lan, Caerdydd wedi ei ohirio.

Fe wnaeth Ledjan Qevani, 33, o Wood Green, Llundian ymddangos o flaen Llys y Goron Casnewydd fore Llun.

Cafodd ei gadw yn y ddalfa a chafodd yr achos ei ohirio tan 13 Gorffennaf.

Roedd Mr Waga, 23 oed wedi dioddef ymosodiad "hir" cyn cael ei ddarganfod gan aelod o'r cyhoedd ar y stryd ddiwedd Ionawr.

Mae pedwar dyn arall eisoes yn y ddalfa ac wedi eu cyhuddo mewn cysylltiad â marwolaeth Mr Waga.

Bydd achos y pump yn cael ei glywed yr un pryd.