Dyn yn pledio'n euog i dreisio menyw ym Mharc Bute Caerdydd

Fe ddigwyddodd yr ymosodiad ym Mharc Bute yn oriau mân y bore ar 15 Gorffennaf

Mae dyn 19 oed wedi pledio'n euog i dreisio menyw ym Mharc Bute yng Nghaerdydd fis diwethaf.

Yn Llys y Goron Caerdydd fore Llun fe wnaeth Tyler Higgins o ardal Cathays gyfaddef dau achos o dreisio yn dilyn y digwyddiad yn oriau mân y bore ar 15 Gorffennaf.

Roedd fideo camera cylch cyfyng wedi cael ei gyhoeddi yn dilyn y digwyddiad, ac wedi hynny dywedodd yr heddlu eu bod wedi arestio Higgins.

Bydd yn cael ei gadw yn y ddalfa nes iddo gael ei ddedfrydu ar 2 Medi.